काठमाडौं। जारी यूएस ओपन २०२१ अन्तर्गत पुरुष विधातर्फ विश्व नम्बर १ नोभाक जोकोभिच अन्तिम १६ मा प्रवेश गरेका छन्।
शनिवार सम्पन्न तेस्रो चरणको खेलमा सर्वियन टेनिस स्टार जोकोभिचले जापानका केइ निशिकोरीलाई ६-७ (४/७), ६-३, ६-३ र ६-२ को सेटमा पराजित गर्दै अन्तिम १६ को यात्रा सफल बनाएका हुन्। पहिलो सेटमा पराजित भएका जोकोभिचले त्यसपछिका तीन सेटमा सहज जित निकालेका थिए।
यस जितसँगै जोकोभिच यूएस ओपन उपाधिबाट मात्र चार खेल टाढा रहेका छन्। यसै वर्ष अन्य तीन ग्रान्ड स्लाम जितिसकेका जोकोभिच यूएस ओपन उपाधि जित्दै ‘क्यालेण्डर ग्रान्ड स्लाम’ जित्ने दाउमा रहेका छन्।
जोकोभिचले आज (आईतवार) अन्तिम १६ को खेलमा संयुक्त राज्य अमेरिकाका जेन्सन ब्रुक्सबीसँग प्रतिस्पर्धा गर्नेछन्।
यो खबर पढेर तपाईलाई कस्तो महसुस भयो ?
प्रतिक्रिया