यस कारण लिलिबिली चल्न सक्छ

काठमाडौं,२९ चैत – चलचित्र ‘लिलिबिली’ रिलिज हुन केही घण्टा बाँकी छ । एकथरी दर्शक फिल्मको रिलिज मिति कुरेर बसेका छन् । यसको एउटा कारण के पनि हो पनि फिल्ममा प्रदीप खड्का छन् । यही वर्ष नै उनी अभिनित चलचित्र ‘प्रेम गीत २’ रिलिज भएको थियो । उक्त फिल्म यो वर्ष रिलिज हुने मध्ये राम्रो कमाइ गर्ने फिल्म पनि हो ।लगत्तै प्रदीपका अरु फिल्म ब्याक टु ब्याक नआए पनि एकै वर्ष दुई फिल्म भने रिलिज हुन लागेका छन् । चल्यो भने प्रदीप खड्काले ह्याट्रिक नै हान्नेछन् । किनकि उनले यसअघि अभिनय गरेका दुई फिल्म ‘प्रेमगीत’ र ‘प्रेमगीत २’ ले व्यापारिक रुपमा सफलता हासिल गरेका छन् । यी दुवै फिल्म चर्चाका हिसाबले पनि सर्वाधिक रुचाइएका फिल्म हुन् । दुवै फिल्मले गर्दा प्रदीपको क्रेज बढेको छ भने प्रदीप खुलैरै चलचित्रको प्रचारमा लागिरहेका छन् यतिबेला ।उनीसँगै अभिनेत्री जसिता गुरुङले पनि दर्शकमा एक खालको क्रेज फिल्म रिलिज नहुँदै बनाइसकेकी छिन् । उनले प्रदीपसँगै दिएका अन्तर्वार्तामा उनको हाउभाउ र आदत धेरैलाई मन परेको छ । जसिताका कारण हलसम्म आउन सक्छन् ।यति मात्र होइन, निर्देशकले पनि आफ्ना अन्य फिल्ममार्फत निर्देशकीय क्षमतालाई देखाइसकेका छन् । तर, यसअघिको उनको फिल्म ब्लाइन्ड रक्स भने असफल बनेको थियो । भलै उनको नामले पनि दर्शक हलसम्म आउन सक्ने सम्भावना छ ।त्यसो केही दिनमात्र स्टारडमले दर्शक हलसम्म आउने हुन् । यदि फिल्म नै राम्रो छैन रैछ भने जति नै प्रचार गरे पनि फिल्म हिट हुन गाह्रो हुन्छ । दर्शकले कस्तो प्रतिक्रिया दिन्छन्, केही दिन कुरौं ।