डीपीएल उपाधिका लागि काठमाडौं गोल्डेन्स र चौराहा धनगढी भिड्दै

कैलाली, ३० चैत । धनगढीमा जारी धनगढी प्रिमियर लिग (डीपीएल)को उपाधिका लागि काठमाडौं गोल्डेन्स र चौराहा धनगढीबीच प्रतिस्पर्धा हुँदैछ । उपाधि विजेताले २५ लाख नगद पुरस्कार पाउने छ ।बिहीबार भएकोे खेलमा महेन्द्रनगर युनाइटेडलाई ५ विकेटले हराउँदै काठमाडौं गोल्डेन्सले धनगढीसँग उपाधिका लागि प्रतिस्पर्धा गर्ने निश्चित गरेको थियो ।प्लेअफ अन्तर्गत गत मंगलबार भएको पहिलो क्वालिफायर खेलमा काठमाडौं गोल्डेन्सलाई १ विकेटले हराउँदै धनगढीले फाइनलमा स्थान सुरक्षित गरेको थियो ।गत वर्षको डीपीएलको संस्करणमा धनगढीले जितेको थियो ।