मेस्सीले बराबरी गरे पेलेको कीर्तिमान

काठमाडौं। अर्जेन्टिनाका कप्तान तथा ग्लोबल आइकन लियोनल मेस्सीले बोलिभियाविरुद्धको खेलमा गोल गर्दै ब्राजिलका लेजेण्ड पेलेको कीर्तिमान बराबरी गरेका छन्।

जारी फिफा विश्वकप २०२२ अन्तर्गत कोनमेबोल क्षेत्रको छनोट खेलमा अर्जेन्टिनी कप्तान मेस्सीले पहिलो हाफको १४औं मिनेटमा गोल गर्दै अन्तर्राष्ट्रिय खेलमा गोल संख्या ७७ बनाएका छन्। यससँगै उनले पेलेको दक्षिण अमेरिकी महादेशको सर्वाधिक गोलकर्ताको कीर्तिमान बराबरी गरेका हुन्।

बोलिभियाविरुद्धको खेलमा अर्जेन्टिनाले १-० को अग्रता लिएको अवस्था छ। मेस्सीले अब अन्तराष्ट्रिय गोल संख्यामा पेलेलाई उछिन्न मात्र १ गोलको आवश्यकता रहेको छ।

उनले क्लब फुटबलमा भने पेलेको गोल संख्या टोडिसकेका छन्। मेस्सीले गत डिसेम्बर बार्सिलोनाका लागि ६४४औं गोल गर्दै सान्तोसका लेजेण्डरी खेलाडी पेलेको कीर्तिमान तोडेका थिए।