नेपालको सुरुवाती ११ सार्वजनिक, सबिता र मन्जलीको स्थानमा अनिता र रश्मी

काठमाडौं। बंगलादेशविरुद्धको दोस्रो मैत्रीपूर्ण खेलको लागि नेपाली महिला राष्ट्रिय फुटबल टोलीको सुरुवाती ११ सार्वजनिक भएको छ।

नेपालका मुख्य प्रशिक्षक ग्यारी फिलिप्सले पहिलो खेलबाट टोलीमा दुई परिवर्तन गरेका छन्। पहिलो खेलमा डेब्यू गर्दै गोल गर्न सफल सबिता रानाको स्थानमा उनले अनुभवी अनिता बस्नेतलाई सुरुवाती ११ मा सामेल गरेका छन्।

त्यस्तै मन्जली योञ्जनको स्थानमा रश्मी घिसिङ मैदानमा देखिने छिन्। नेपाल र बंगलादेशबीचको दोस्रो खेल अहिले साँझ ५ बजेदेखि त्रिपुरेश्वर स्थित दशरथ रंगशालामा सुरु हुनेछ।