काठमाडौं। युईएफए युरोपा लिग अन्तर्गत गए राति खेलिएको खेलमा इंग्लिश क्लब वेस्ट ह्याम युनाइटेडले क्रोएसियन क्लब डाइनमो जाग्रेबलाई २-० गोलले पराजित गरेको छ।
जाग्रेबको घरेलु मैदानमा बिहीवार राति सम्पन्न खेलमा पाहुना टोली वेस्ट ह्यामले पहिलो हाफको २२औं मिनेटमा अग्रता लिएको थियो। वेस्ट ह्यामका लागि स्ट्राइकर मिचेल एन्टोनियोले गोल गर्न सफल भएका थिए।
पहिलो हाफमा एक गोलले अगाडि रहेको वेस्ट ह्यामले दोस्रो हाफको ५०औं मिनेटमा अग्रता दोब्बर बनाएको थियो। यस पटक पाहुना टोलीका लागि कप्तान डेकलान राइसले शानदार सोलो गोल गर्न सफल भएका थिए।
यस जितसँगै वेस्ट ह्यामले युरोपा लिगमा शुखद सुरुवात गरेको छ।
यो खबर पढेर तपाईलाई कस्तो महसुस भयो ?
प्रतिक्रिया