सिन्धुपाल्चोकका वडाध्यक्ष जुवा खालबाट पक्राउ

काठमाडौं, २ वैशाख – सिन्धुपाल्चोक जिल्लाको हेलम्बु गाउँपालिका–३ का वडाध्यक्ष जुवाको खालबाट पक्राउ परेका छन् । ४३ वर्षीय छिरिङ लामालाई जुवा खालबाट प्रहरीले पक्राउ गरेको हो ।नेपाली कांग्रेसबाट वडाध्यक्ष भएका लामासँगै दोर्जे तामाङ र दावा तामाङलाई पनि प्रहरीले पक्राउ गरेको छ । महानगरीय प्रहरी वृत्त, बौद्धको टोलीले जोरपाटीबाट पक्राउ गरेको बताइएको छ ।पक्राउ लगत्तै चार बुक तास र २३ हजार बरामद गरिएको प्रहरीले जनाएको छ ।