फिल्म ‘चंगा’ ले रिलिज गर्‍यो कम्पनी माला

काठमाडौं, ३ वैशाख – किशोर भण्डारीको निर्देशनमा तयार भएको चलचित्र ‘चंगा’ को पहिलो गीत रिलिज गरिएको छ । केही महिनाअघि मात्र छायांकन सकिएको फिल्मको पहिलो गीतलाई नयाँ वर्षको समय पारेर युट्युबमार्फत सार्वजनिक गरिएको हो ।‘कम्पनी माला’ बोलको गीतका शब्द राजेन्द्र थापाले लेखेका हुन् । त्यस्तै गीतमा राजनराज शिवाकोटीको संगीत छ भने स्वर राजनराज र अञ्जु पन्तको रहेको छ ।कमेडी जानराको फिल्ममा बुद्धि तामाङ, कमलमणि नेपाल, अंकित खड्का, लक्ष्मी बर्देवा, रेश्मा तिमिल्सिना, जीवन भट्टराई, राजन खतिवडा लगायतका कलाकारले अभिनय गरेका छन् । फिल्मले सार्वजनिक गरेको यो गीत लोक शैलीको स्वादको छ ।चलचित्रलाई रविन आचार्यले छायांकन गरेका हुन् । त्यस्तै फिल्ममा रेश्मा तिमिल्सिनाले लगानी गरेकी छिन् ।चलचित्र आउँदो जेठ २५ गतेदेखि प्रदर्शनमा आउँदैछ ।https://youtu.be/QuOgCQWKZjU