निरन्तर ओरालो यात्रामा सुनको मूल्य, कति पुग्यो ?

काठमाडौं । आज (बिहीबार) पनि सुनको मूल्यमा गिरावट आएको छ । आज सुनको मूल्य प्रतितोला २ सय रुपैयाँले घटेको हो ।

आज छापवाला सुन प्रतितोला ८८ हजार ७ सय रुपैयाँ कायम भएको छ । बुधबार छापवाला सुन प्रतितोला ८८ हजार ९ सय रुपैयाँमा कारोबार भएको थियो ।

त्यस्तै, आज तेजावी सुन ८८ हजार २५० रुपैयाँ कायम भएको नेपाल सुनचाँदी व्यवसायी महासंघले जनाएको छ ।

त्यसैगरी, चाँदीको मूल्य पनि ३५ रुपैयाँले घटेको छ । आज चाँदी प्रतितोला १ हजार १ सय २० रुपैयाँ कायम भएको छ । बुधबार पनि चाँदी प्रतितोला १ हजार १ सय ५५ रुपैयाँमा कारोबार भएको थियो ।