सुनको मूल्य घट्यो, कतिमा कारोबार हुँदैछ ?

काठमाडौं । आज (बुधबार) सुनको मूल्यमा गिरावट आएको छ । आज सुनको मूल्य प्रतितोला ४ सय रुपैयाँले घटेको हो । चाँदीको मूल्य भने आज पनि स्थिर रहेको छ ।

आज प्रतितोला छापावाला सुन प्रतितोला ८९ हजार ९ सय रुपैयाँ कायम भएको नेपाल सुनचाँदी व्यवसायी महासंघले जनाएको छ । मंगलबार छापवाला सुन प्रतितोला ९० हजार ३०० रुपैयाँमा खरिदबिक्री भएको थियो ।

त्यसैगरी, आज तेजावी सुन प्रतितोला ८९ हजार ४ सय ५० रुपैयाँमा कारोबार भइरहेको छ। मंगलबार तेजाबी सुन प्रतितोला ८९ हजार ८ सय ५० रुपैयाँमा कारोबार भएको थियो ।

आज चाँदीको भाउ भने ४ दिनदेखि स्थिर रहेको छ । आज चाँदी प्रतितोला १ हजार १ सय ६० रुपैयाँ कायम भएको छ। हिजो पनि सोहि मूल्यमा कारोबार भएको महासंघले जनाएको छ ।