सर्‍यो ‘छक्का पञ्जा ३’ को छायाँकन, यस्तो छ कारण

काठमाण्डौं । बैशाख १७ देखि छायाँकनमा जाने सम्पुर्ण तयारी गरेको सिनेमा 'छक्का पञ्जा ३' निर्धारित समयमा सुटिङ्ग सुरु गर्न सकेन । निर्माता तथा कथाकार दिपकराज गिरीले सिनेमाको स्कृप्टको केहि काम बाँकी रहेकोले निर्धारित समयमा छायाँकनमा जान नसकेको बताए । आफुले तयार पारेको स्कृप्टको केहि पलट मन नपरेकोले त्यसलाई चेन्ज गर्न केहि दिन लाग्ने भए पछि सुटिङ्ग केहि सारिएको बताए । अब यो सिनेमाको छायाँकन बैशाख २८ गतेबाट सुरु हुनेछ ।

हाम्रो त्यस्तो केहि आन्तरिक कारण होइन । आफ्नै तयारी नपुगेकोले केहिदिन त्यसको तयारीको लागी पछि हटेको निर्देशक दिपाश्री निरौलाले बताइन । 'छक्का पञ्जा' सिरिज ब्यावसायिक रुपमा सर्वाधिक सफल सिनेमा हो त्यसैले पनि त्यसको सिरिजलाई थप मजबुत बनाउँनु पर्ने भएकोले पनि ढिलो होस तर काम राम्रो होस भनेर नै केहि दिनलाई सुटिङ्ग सारेको निर्माण टिमको भनाइ छ ।

'छक्का पञ्जा ३' को लागी केहि दिन पहिले नायिका दिपिका प्रसाई फाइनल भएकी थिइन । योसँगै 'छक्का पञ्जा' सिरिजबाट वर्षा रावत र स्वस्तीमा खड्का आउट भएका छन । भने प्रियंका कार्कीको  अतिथी भुमिका छ । 

पुरुषोत्तम प्रधानले छायाँकन गर्ने सिनेमामा दीपकराज गिरी, केदार घिमिरे, जितु नेपाल, शिवहरी पौडेल, बुद्धि तामाङ्गलगायतका कलाकारको मुख्य भुमिका रहनेछ । 'छक्का पञ्जा ३' लाई दिपाश्री निरौलाले निर्देशन गर्ने छिन् ।