शिवका छोरा शक्तिको सिनेमा डेव्यु, शिवानीसँग गर्दैछन रोमान्स

काठमाडौं । एक समय थियो नायक शिव श्रेष्ठलाई एक्सन किंग मान्ने गरिन्यो । उनै शिव श्रेष्ठको अभिनय गरेका सिनेमा दर्शकले हेर्न नपाएको धेरै वर्ष भयो । अब अभिनेता शिव श्रेष्ठ अभिनय भन्दा पनि सिनेमा निर्माणमा होमिएका छन् । उनले निर्माण गर्ने सिनेमाको नाम ‘एउटा यस्तो प्रेम कहानी’ राखिएको छ । यो सिनेमाको केहि समय पहिले देखि काठमाडौं, विरगञ्ज लगायतका विभिन्न ठाउँमा छायाँकन चलिएरको छ । 

सुन्नमा आए अनुसार सिनेमामा श्रेष्ठको पनि विषेश भुमिका रहनेछ । तर, यो सँगै उनेले नेपाली सिनेमाका दर्शकलाई एउटा सरप्राइज दिँदै छन् । ‘एउटा यस्तो प्रेम कहानी’मा उनले आफ्नो छोरा शक्ती श्रेष्ठलाई समेत डेव्यू गराउँदै छन् । श्रोतका अनुसार सिनेमामा शक्तीको जोडीको रुपमा अभिनेत्री तथा निमार्ता उमा बेबी गिरीकी छोरो शिवानी गिरी देखिदै छिन् । शिवानले ‘कहिँ कतै’बाट डेव्यु गरेकी हुन् । उनको डेव्यू सिनेमा नेपालमा साउन २५ गतेबाट अल नेपाल रिलीज हुँदैछ । 

शक्ती र शिवानीको जोडी पर्दामा कस्तो देखिने हो त्यो समयले देखाउने नै छ । तर, ‘एउटा यस्तो प्रेम कहानी’मा शक्ती र शिवानीका अलवा प्रियंका कार्की, आयुष्मान देशराज जोशी, वर्षा रावत, संजोग कोइराला, नरेन खड्का, बिष्णु चेमजोङ्ग लगायतका कलाकारको मुख्य भुमिका रहेको छ । शिव श्रेष्ठ प्रस्तुतकर्ता रहेको सिनेमामा बाग्मती निर्माता दिनेश दर्शनधारी र यशोधा राईको लगानी रहनेछ । यो सिनेमालाई दिपेश सापकोटाले निर्देशन गर्दैछन ।