बिरामी भएर लम्फूको मोफसल टुरमा गईन: मरिष्का पोखरेल (भिडियोसहित)

काठमाडौं । अभिनेत्री मरिष्का पोखरेल अभिनीत तेस्रो सिनेमा 'लम्फू'को यतीवेला प्रचारप्रसार तिव्र पारिएको छ । यसको निर्माण टिमले आफ्नो मोफसल टुर सकेर आज मात्रै काठमाडौं फर्किएको छ । तर, सिनेमाकी मुख्य नायिका मरिष्का पोखरेल भने मोफसल टुरमा सहभागी भइनन् । यो विषयमा बिहीबार घोषणा भएको सिनेमा 'प्रेमालय' कार्यक्रमा भेटिएकी मरिष्कासँग बुझ्दा, आफु अहिले निकै बिरामी भएकोले उक्त टुरमा जान नसकेको बताइन् । 

मरिष्काले भनिन्, डाक्टरले नै मलाई लामो यात्राको लागी अनुमती दिनु भएन । त्यसैले मैले चाहेर पनि मोफसल टुरमा जान सकिन । तर, उहाँहरु सवै जनालाई मिस गरिरहेकी छु । आफुलाई निर्माण टिमले दिएको जिम्मेवारी अनुसार राजधानी भित्रका अनलाईन, पत्रपत्रिका, टेलिभिजनमा पुगेर सिनेमाको प्रचार प्रसारमा सहयोग गरिरहेको बताइन् । 

आफुलाई दर्शकले सिनेमा भित्र एउटी सोझी गाँउले केटीको भुमिका देख्न पाउने बताइन् ।  साथै म यो भुमिका प्रति एकदमै उत्साहित रहेको भन्दै आफ्नो भुमिका दर्शकले मनपराउनेमा ढुक्क रहेको प्रतिक्रिया दिइन् । सिनेमा छायांकन अवधिभर आफु र आफ्नो टिमले खुलेर इन्जोय गरेको भन्दै सिनेमाको छायांकन सकिएको पनि थाहा भएन । 'लम्फू' बैशाख २८ गतेबाट अल नेपाल रिलीज हुँदैछ । गोपाल चन्द्र लामिछानेले निर्देशन गरेको सिनेमालाई पपुलर मल्टिमिडियाको व्यानरमा शक्तिबल्दभ घोरासैनीले निर्माण गरेका हुन् ।

'लम्फू'मा सलोन वस्नेत, कविर खड्का, मरिष्का पोखरेल, चाँदनी शर्मा, सञ्चीत भण्डारी कुशाग्र भट्टराई (बालकलाकार), आयन खड्का, ओम गुरुङ्ग, अजित लामिछाने, सन्तोष कार्की, कुशल गुरुङ, काजोल, रश्मी भट्ट, जानुका पौडेल, पुष्प आचार्य, झलक कार्की, थमन सिंह पुर्जा लगायतको अभिनय रहेको छ ।

सिनेमामा तरकारीवालीका नामले चिनीएकी कुशुम श्रेष्ठको पनि विषेश भुमिका रहेको छ ।