काठमाडौं । जेठ ११ गतेबाट अल नेपाल रिलीज हुने चलचित्र ‘सुनकेसरी’को गीत रिलीज भएको छ । सार्वजनिक गीतमा नायक सन्नी ढकाल र लउरेन फिचर्ड छन् । हरर जनरामा निर्माण गरिएको चलचित्र ‘सुनकेसरी’को सम्पूर्ण छायांकन अस्ट्रेलियामा गरिएको हो ।
काली प्रसाद बास्कोटाको संगीत रहेको यस गीतमा सनुप पौडेलले स्वर भरेका छन् । गीतमा सन्नी र लउरेनको बढ्दो प्रेमभाव देखाइएको छ । नेपालमा हरर चलचित्रमा निकै कम मात्रै निर्माण भएको छ । जती बनेका छन ति चलचित्रले पनि दर्शकबाट सकारात्मक प्रतिक्रिया पाउन सकेका छैनन् । त्यसैले नेपालमा हरर सिनेमा दर्शक कम रहेको बताइन्छ । तर, ‘सुनकेसरी’ सम्पूर्ण तवरले उत्कृष्ट बनेको निर्माण टिमका भनाइ छ ।
अभिनेत्री ऋचा शर्मा, भिम न्यौपाने र शर्मिला सापकोटासँग मिलेर निर्माण गरेकी हुन् । ‘सुनकेसरी’को निर्देशन अभिनेता अपर्ण थापा हुन् । यो थापाको तेस्रो निर्देशकिय सिनेमा हो । अपर्णले यसअघि ‘मुखौटा’ र ’आधालभ’ निर्देशन गरीसकेका छन् । ‘सुनकेसरी’को कथा समेत निर्देशक थापा आफैले तयार पारेका हुन् ।
चलचित्रमा सन्नी ढकाल र लउरेका अलवा ऋचा शर्मा, रविन्द्र झा लगायतका कलाकारको अभिनय रहेको छ । चलचित्रलाई रह शर्माले छायांकन गरेका हुन् ।
यो खबर पढेर तपाईलाई कस्तो महसुस भयो ?
प्रतिक्रिया