मखमली फूलको माला बनाउन भ्याइनभ्याइ (फोटोफिचर)

काठमाडौं । तिहार नजिकिएसँगै भक्तपुरको चाँगुनारायणनगरपालिका–९ ताथलीका स्थानीयलाई मखमली फूलको माला बनाउन भ्याइ नभ्याइ भएको छ ।

तिहारलाई लक्षित गर्दै फूल उत्पादन थालेका उनीहरु यति बेला माला बिक्री वितरणको तयारीमा छन् ।

ताथलीका बनमाला समूदाय यतिबेला घरघरमा माला बनाइरहेको भेटिन्छन् । बनमाला समूदायले छोएको फूल चोखो हुन्छ भन्ने आम मान्यता छ । यहाँका स्थानीय मध्ये कतिपयले आफ्नै जग्गामा फूलको खेती गरेका छन् भने कतिपयले जग्गा भाडामा लिएर फूलको व्यवसायिक खेती गरेका छन् ।

माला उन्दै गरेका भगवान बनमालाले पछिल्लो समय आयातित फूलका कारण आफूहरुको पेशा संकटमा परेको बताए । ‘अहिले बाहिरबाट ल्याएका फूलले गर्दा यहाँ स्थानीयको पेशा नै संकटमा परेको छ, सरकारले केही वास्ता गरेन ।’उनले भने ।

तस्विरहरूः राजेश बिके