विश्वका कान्छा निर्देशकको ‘हैरान’ ट्रेलर रिलीज

काठमाडौं । विश्वका कान्छो निर्देशक सौगात बिष्टको निर्देशन रहेको दोस्रो सिनेमा 'हैरान'को ट्रेलर  सार्वजनिक गरिएको छ । जेठ ४ बाट अल नेपाल रिलीज हुने सिनेमाको ट्रेलरमा सम्पूर्ण मुख्यकलाकार अटाएका छन् । हैरानको निर्माण टिम यतीवेला सिनेमाको प्रचार  हैरान अडिसन नाम दिएर मोफसल दौडाहामा रहेको छ ।

सिनेमामा गजित बिष्ट, निश्मा घिमिरे, सत्यराज आचार्य, आरोही शर्मा, बुद्धि तामाङ, मोहमदवसिम राजा, सरोज खनाल, शिशिर भण्डारी, सागर लम्साल, पुष्कर रेग्मी, एञ्जल राई लगायतका कलाकारको मुख्य भुमिका रहेको छ ।

डान्स फरेभरको व्यानरमा निर्मित सिनेमा मुक्ति घले, सृष्टि घिमिरे र डाक्टर वाई एल लामाको लगानी रहेको छ । भने हैरानको कार्यकारी निर्माता सम्झना पोखरेल हुन् । गम्भीर बिष्टको कोरियोग्राफी रहेको सिनेमामा चन्द्र पन्तको द्वन्द निर्देशन, राजन इशान, सत्यराज आचार्य, स्वरुपराज आचार्य, किरण कँडेल र सन्तोष श्रेष्ठको संगीत रहेको छ । सिनेमामा नवराज उप्रेतीको डिओपी र निरज कँडेलको छायांकन रहेको छ । प्रितम पाण्डेले सिनेमालाई सम्पादन गरेका हुन् ।