पीएसजीको कब्जामा फ्रेन्च कप

काठमाडाैं :  फ्रेन्च कपको उपाधि पेरिस सेन्ट जर्मेन (पीएसजी) ले जितेको छ । मंगलबार राती भएको खेलमा लेस हर्बियर्सलार्इ २-० ले पराजति गर्दै ब्राजिलीयन स्टार नेयमारको टीमले उपाधिमाथि कब्जा गरेको हाे । 

पीएसजीलार्इ उपाधि दिलाउनका लागि जिअोवानीले २६ अाैं र एडिसन काभानीले ७४ मिनेटमा हर्बियर्सको पोष्टमा गोल गरे । दोस्रो हाफमा गरेको एउटा गोललार्इ भने रेफ्रिले मान्यता दिएनन् । 

चोटका कारण फाइनल खेल नखेलेका नेइमार उपाधि उचाल्ने बेला भने जर्सी लगाएर सहभागी भएका थिए ।

पीएसजीले सन् २०१४ यताका सबै सबै फ्रेन्च कप जितेको छ ।