दुई फिल्ममा एकसाथ देखिदै श्रद्धा र सुशान्त

मुम्बई । बलिउड सिनेमा एक भिलेनबाट चर्चामा आएकी अभिनेत्री हुन् श्रद्धा कपुर । उनलाई दर्शकले पर्दामा नदेखेको लामो समय भइसकेको छ । उनलाई पछिल्लो समय दर्शकले अपुर्व लखियाको हसिना पारकरमा हेर्न पाएका थिए । त्यस पछि उनले अभिनय गरेका सिनेमा दर्शक माझ आएका छैनन् । 

अहिले श्रद्धा साउथ स्टार प्रभाससँग साहोमा काम गरिरहेकी छिन् । यो सिनेमाको यतिवेला दुवईमा छायाँकन भइरहेको छ । उनलाई लिएर दंगल निर्देशक नितेश तिवारीले एक सिनेमा निर्माण गर्दै छन् । जसमा साजिद नाडिवाल निर्माताको रुपमा रहनेछन् । श्रद्धासँगै यो सिनेमामा ज्याक्लिन फर्नान्डिसको पनि मुख्य भुमिका रहने छ । 

यो सिनेमाको नाम आजसम्म औपचारिक रुपमा घोषणा गरिएको छैन् । यसमा श्रद्धाले नायक सुशान्त सिंह राजपुतसँग जोडी बाँध्ने छिन् । योसँगै श्रद्धा र सुशान्तको जोडी चन्द्र मामा दुर केमा देखिने छन् । सञ्जय पुरण सिंहको निर्माण रहने सिनेमामा सुशान्त एक अन्तरिक्षयात्रीको भुमिकामा देखिने छन् । यस सिनेमा श्रद्धाको पनि महत्वपूर्ण भुमिका रहने बताइन्छ ।