कर्णालीका मुख्यमन्त्री शाहीले राजीनामा दिँदै

काठमाडौं । कर्णाली प्रदेशका मुख्यमन्त्री महेन्द्रबहादुर शाहीले राजीनामा दिने भएका छन् ।

पूर्वसहमती अनुसार मुख्यमन्त्री शाहीले सोमबार नै पदबाट राजीनामा दिन लागेका हुन् । मुख्यमन्त्री शाहीले राजीनामा दिएसँगै पूर्व सहमती अनुसार नेपाली कांग्रेसले सरकारको नेतृत्व गर्नेछ ।

केही प्रक्रियाहरु पूरा गरेर शाहीले सरकार गठनका लागि मार्गप्रशस्त गर्न लागेका हुन् ।

तत्कालिन नेकपाबाट माओवादी केन्द्र छुट्टिएपछि शाहीले गत वैशाख ३ गते विश्वासको मत लिएका थिए । शाहीलाई मुख्यमन्त्रीमा टिकाउनका लागि ६र६ महिना माओवादी र कांग्रेसले सरकारको नेतृत्व गर्ने सहमती भएको थियो ।

यता प्रदेश नं १ का मुख्यमन्त्री भीमप्रसाद आचार्यले अल्पमतमा परेपछि आज पदबाट राजीनामा दिएका छन् । त्यससँगै प्रदेश नं १ मा नयाँ सरकार गठनको तयारीमा विपक्षी गठबन्धन रहेको छ ।