ज्योती मगरले यसरी   मनाइन् जन्मदिन

काठमाडौं – सधैं चर्चा रहिरहने गायिका ज्योती मगरले आफ्नो जन्मदिन  मनाएकी छिन्। स्टेज प्रफर्मेन्स र खासगरी पोशाकका कारण चर्चामा रहिरहने गायिका ज्योतीले यसपटक बालआश्रमका बालवालिकाहरुलाई आर्थिक सहयोग गरी जन्मदिन मनाइन्।
वैशाख २९ गते परेको ज्योतीको जन्मदिनमा उनले एकिकृत सिर्जनशिल समाज काठमाडौंका बालबालिकाहरुलाई नगद ४५ हजार र १० हजार बराबरको खाद्यान्न सहयोग गरिन्। 
मगर पहिरनमा बेलुकीपख बालआश्रममा पुगेकी गायिका ज्योतीले त्यहाँका ४० जना बालवालिकाहरुसँग केक काटेर जन्मदिन मनाइन्। त्यस अवसरमा एकै दिन जन्मदिन परेकी अर्की गायिका सिर्जना खत्रीसँगै ज्योतीले केक काटिन।

धेरै नसकेपनि बालबालिकाहरुको मुहारमा खुसी ल्याउन आफुले सक्ने जति सानो प्रयास गरेको उनले बताइन्।