काठमाडौं । शिव श्रेष्ठले निर्माण गरिरहेको सिनेमा 'एउटा एस्तो प्रेम कहानी'को टिजर रिलिज गरिएको छ । शिव श्रेष्ठ आफैले सिनेमाको कथा तयार पारेका हुन । दिनेश दर्शनधारी र यसोदा राईले निर्माण गरेको सिनेमाको प्रस्तुतकर्ता शिव श्रेष्ठ स्वयंम हुन् ।
आज रिलिज सिनेमाको टिजर एक्सन प्यार्टनमा निर्माण गरिएको छ । केही समय पशचात सिनेमाको लभस्टोरी टिजर रिलिज गरिने मंगलबार काठमाडौंमा एक कार्यक्रमको आयोजना गरि जानकारी दिइयो ।
सार्वजनिक टिजरमा सिनेमाका मुख्यकलाकार प्रियंका कार्की, आयुष्मान देशराज जोशी, संजोग कोइराला, बर्षा रावत र नरेन खड्कालाई केन्द्रमा राखेर निर्माण गरिएको छ ।
सिनेमामा उनीहरुका अलवा रेखा फागो, बिष्णु चेम्जोंग, शिव श्रेष्ठ, मिथिला शर्मा, बसुन्धरा भुषाल लगायतका कलाकारको मुख्य भुमिका रहेको छ, भने यसै सिनेमा बाट शिव श्रेष्ठका छोरा शक्ति श्रेष्ठ र करिष्मा मानन्धरकी छोरी कविता मानन्धरले डेव्यु गर्दैछन् ।
शिव श्रेष्ठले भने, 'यो मेरो पहिलो निर्माण रहेको सिनेमा होइन', 'यो भन्दा पहिला मैले चिनो र राँको सिनेमा निर्माण गरेको थिए', उनले भने 'मैले २५ बर्ष लामो प्रतिक्षालाई दर्शक माझ ल्याउदै छु', 'मेरो छोरो शक्तिलाई सिनेमामा डेव्यु गराउँदै छु', मलाई लाग्यो यो नै शक्तिको लागी सिनेमामा आउने सहि समय हो ।
'एउटा यस्तो प्रेम कहानी'लाई मन्दिरा निर्देशक दिपेश सापकोटाले निर्देशन गर्दैछन् ।
यो खबर पढेर तपाईलाई कस्तो महसुस भयो ?
प्रतिक्रिया