काठमाडौं । साउन ४ गतेबाट प्रदर्शन हुने चलचित्र ’पण्डित बाजेको लौरी’को टिजर रिलिज गरिएको छ । टिजर मंगलबार युवटूवबाट रिलिज गरिएको हो । दीपक ओली निर्देशीत चलचित्रमा बादी समुदायको ग्रामिण परिवेशको कथा उठान गरिएको छ ।
मादल बजाएर मागेर खाने बादी र यौन पेशा अंगालेर जीवन चलाउने बदिनीको कथा चलचित्रले उठाएको छ । चलचित्रमा बादीको भुमिकामा कलाकार विजय बराल देखिएका छन् भने बदिनीको भुमिका सन्ध्या केसीले निर्वाह गरेकी छिन् ।
चलचित्रमा प्रविण खतिवडा, प्रमोद अग्रहरी, विजय बराल, मरिष्का पोखरेल, सन्ध्या केसी, लोकेन्द्र लेखक, भोलाराज सापकोटा, अनुपम भण्डारी, कुलदीप अधिकारी, कमल गाँउले लगायतका कलाकारहरुको मुख्य अभिनय रहेको छ । यो चलचित्रमा गाँउमा एउटा नाम चलेको पण्डित र बदिनीको सम्बन्धमा चलचित्रको कथा घुमेको निर्देशक दीपक ओलीले बताए ।
अधृत फिल्मस्को व्यानरमा निर्माण भएको चलचित्रलाई थमन कुमार भण्डारीले निर्माण गरेका हुन् भने चलचित्रका सहनिर्माताको रुपमा रहेका किशोर खड्काको लगानी रहेको छ । चलचित्रमा कथा, पटकथा तथा सम्वाद महेश दवाडीले तयार पारेका हुन् ।
चलचित्रमा विदुर पाण्डेको छायांकन, विक्रम स्वारको कोरियोग्राफी, श्रीकृष्ण बम मल्ल र अमित श्रेष्ठको संगीत तथा मित्र डी गुरुङले सम्पादन गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया