चलचित्र पत्रकार संघ नेपालले ५ जना चलचित्र पत्रकारलाई पुरस्कृत गर्ने

काठमाडौं ।  चलचित्र पत्रकार संघ नेपालले जेठ ७ गते गर्ने ’१९औँ वार्षिक साधारणसभा’ले यो वर्ष ५ जना चलचित्र पत्रकारितामा सक्रिय पत्रकारलाई सम्मान गर्ने भएको छ । 

जस अनुसार चलचित्र पत्रकारिता सम्मानबाट यो वर्ष ध्रुर्व लम्साल र दयाराम पाण्डेलाई सम्मान गरिने छ । उनीहरुले लामो समयदेखि चलचित्र पत्रकारितामा क्षेत्रमा पुर्याएको कदर सोरुप सम्मान गर्न लागीएको हो । दोसल्ला ओडाएर ताम्रपत्र र ट्रफी सहित सम्मान गरिने छ ।

चलचित्र पत्रकारिता पुरस्कार नयाँ पत्रिकामा कार्यरत लक्ष्मण सुवेदी र टिभी फिल्मीमा कार्यरत सन्ध्या थापालाई प्रदान गरिने छ । लामो समयदेखि चलचित्र पत्रकारितामा सक्रिय रुपमा पुर्याएको योगदान स्वरुप २१ हजार नगद, ताम्रपत्र र ट्रफी सहित पुरस्कार प्रदान गर्न लागीएको संघका महासचिब अनिल यादवले जानकारी दिए ।

यस्तै यो वर्ष चलचित्र प्रोत्साहन पुरस्कार फिल्मी खबरमा कार्यरत मनिष दाहाललाई प्रदान गरिने चलचित्र पत्रकार संघ नेपालका अध्यक्ष संन्दिप सापकोटाले बताए । प्रोत्साहन पुरस्कारमा एक थान ल्यापटप, ट्रफी र ताम्रपत्रले सम्मान गरिने छ । उनले भने, मंगलबार बसेको कार्यसमिति बैठकले उनीहरुलाई सम्मान गर्ने निर्णय गरेको हो ।