प्रदेश १ : मुख्यमन्त्री राईले आज विश्वासको मत लिँदै

काठमाडौं । प्रदेश १ का नवनिर्वाचित मुख्यमन्त्री राजेन्द्रकुमार राईले आज विश्वासको मत लिँदै छन् ।

आजको प्रदेश सभा बैठकमा मुख्यमन्त्री राईले गत आइतवार विश्वासको मतका लागि संसद् सचिवालयमा दर्ता गरेको सूचनाको सम्बन्धमा छलफल हुने प्रदेश सभा सचिवालयले जनाएको छ ।

उनी नेपाली कांग्रेस, नेकपा(माओवादी केन्द्र), नेकपा(एकीकृत समाजवादी), जनता समाजवादी र संयुक्त लोकतान्त्रिक राष्ट्रिय मञ्चको गठबन्धनबाट कात्तिक १६ गते प्रदेश १ को मुख्यमन्त्री बनेका हुन् ।

प्रदेश सभामा हाल ९२ सांसद संख्या कायम छ । बहुमतका लागि ४७ मत आवश्यक पर्छ भने गठबन्धनसँग कांग्रेसका २१, माओवादी केन्द्रका १५, नेकपा एकीकृत समाजवादीका १०, जसपाका ३ र संघीय लोकतान्त्रिक मञ्चका १ जना गरी ५० सांसद रहेका छन् । मुख्यमन्त्री राईले विश्वासको मत पाउने गणित देखिएको छ ।