अनौठो चलनः पहिले बच्चा अनि बल्ल बिहे

संसारभर आ–आफ्नै परम्परा छ । संस्कार छ । त्यस्ता संस्कारका आफ्नै नियम छन् । केही परम्परामा बिहेदेखि लिएर अनेक परम्परा जोडिएका हुन्छन् । भारतमा एउटा त्यस्तो राज्य छ, जहाँ एक जनजाति समुदाय पछिल्ला केही वर्षदेखि लिभ इन रिलेसनशिपमा रहने परम्पराको अनुशरण गर्दै आएका छन् ।

राजस्थानको उदयपुर नजिकका गरसिया जनजातिका घरमा एक घरमा बिहे अगाडि नै एक बच्चा जन्माएपछि मात्र बिहे गर्ने नगर्नेको बारेमा फैसला गर्ने गर्छन् । यो जनजातिमा महिलालाई उच्च दर्जा दिने गरिन्छ । यो समुदायमा बलात्कार तथा उत्पीडनजस्ता घटना एकदमै कम हुन्छन् ।  खेतीमा निर्भर रहने यस जनजातिमा मान्छेले तब बिहे गर्छन्, जब पर्याप्त धन हुन्छ ।

साथै बिहेका लागि एउटा शर्त राखिन्छ यहाँ । लिभ इन रिलेसनशिपका दौरान महिलाले बच्चा जन्माउनुपर्ने हुन्छ । यदि बच्चा भयो भने दुवै परिवारलाई बोलाएर विवाह गरिन्छ । नत्र बिहे नै हुँदैन । र, अर्को पार्टनरको खोजीमा उनीहरु लाग्छन् ।

उनीहरुको यो परम्परा धेरै पहिलेदेखिको परम्परा भएको बताइन्छ ।