निश्मा र गजितको ‘दाग छैन जुनमा अब’ हैरान गीत रिलिज

काठमाडौं । नायक गजित विष्टले निर्माण गरेको सिनेमा ’हैरान’ आगामी शुक्रबारदेखि अल नेपाल रिलिज हुँदैछ । यहि सिनेमाको ’दाग छैन अब जुनमा पनि’ बोलको गीत बुधबार रिलिज गरिएको छ । सार्वजनिक गरिएको गीतमा नायक गजित विष्ट र निष्मा घिमिरेलाई फिचर्ड गरिएको छ ।

किरण कँडेलको संगीत रहेको गीतमा युवराज चौलागाई, इन्दिरा जोशी र निश्मा घिमिरेको स्वर छ ।

सम्झना पोखरेल कार्यकारी निर्माता रहेको सिनेमालाई विश्वका कान्छा निर्देशक सौगात विष्टले निर्देशन गरेका हुन् । अहिले यसको निर्माण टिम सिनेमाको प्रचार प्रसारमा जोड्तोडका साथ लागिरहेका छन् । ’हैरान’ केहि समय पहिले मोफसल टूर सकेर काठमाडौं फर्किएको थियो । अहिले निर्माण टिम उपत्यकाका विभिन्न ठाँउमा पुगेर सिनेमाको प्रचार गरिरहेको छ ।

सिनेमामा सरोज खनाल, गजित विष्ट, सत्यराज आचार्य, पुष्कर रेग्मी, बुद्धि तामाङ, मोहमद वसिम राजा, आरोही शर्मा, निष्मा घिमिरे, सागर लम्साल, शिशिर भण्डारी, एन्जल राई लगायतका कलाकारहरुको मुख्य भुमिका रहेको छ ।

डान्स फरेभरको व्यानरमा निर्माण भएको सिनेमामा मुक्ति घले, सृष्टी घिमिरे र डाक्टर वाई एल लामाको लगानी रहेको छ । निरज कँडेलको डिओपी रहेको सिनेमाका छायांकार नवराज उप्रेतीले गरेका हुन् । गम्भिर विष्टको कोरियोग्राफी रहेको सिनेमालाई प्रितम पाण्डेले सम्पादन गरेका छन् ।