मुम्बई । उदित नारायण झाका छोरा आदित्य नारायणको करियरले खासै गती लिन सकेको छैन । तर आदित्य जहिले आफ्ना अनेकन हर्कतले भारतीय मिडियामा गसिप बनिरहन्छन् ।
आदित्य कहिले विमानस्थलका कर्मचारीसँगको विवाद त कहिले रिक्सा चालकलाई ठक्कर दिएर चर्चामा रहने गरेका छन् । अहिले फेरी एक पटक भारतीय सञ्चार माध्यममा उनको चर्चा सुरु भएको छ । यसपटक उनले अभिनय गरेको एक नयाँ भोजपुरी गीतको भिडियोको कारण भएको हो ।
उक्त भिडियोमा उनी २०१५ की भोजपुरी स्टार मोनालिसासँग डान्स गरिरहेका छन् । भिडियोमा आदित्य र मोनालिसाको बोल्ड सिनका साथै लिपकिस गरिरहेको दृष्य समावेश गरिएको छ । त्यहि दृष्यका कारण अहिले भिडियो दर्शकमाझ भाइरल भैरहेको छ । जसको गर्दा उनी बलिउड मिडियामा निकै स्थान पाइरहेका छन् । आदित्यले थुप्रै भोजपुरी गीत गाएका छन् । सार्वजनिक गीतलाई आदित्य स्वयमले गाएका हुन् ।
'बिग बोस सिजन दश'मा सहभागी मोनालिसा भोजपुरी सिनेमाकी चल्तीकी अभिनेत्री हुन् । आदित्य र मोनालिसाको जोडी बंगाली बेव सिरिज 'डुपर ठाकुरपो' को सिजन दुईमा चाँडै देखिने खबर भारतीय सञ्चार माध्यमले जनाएका छन् ।
यो खबर पढेर तपाईलाई कस्तो महसुस भयो ?
प्रतिक्रिया