काठमाडौं । बलिउड स्टारहरुको सम्बन्ध जोडिन र टुट्न समय लाग्दैन। एकातिर जहाँ धेरै जोडी विवाह गर्न लागेका छन्, त्यहाँ धेरै यस्ता स्टारहरु छन् जो अलग भइसकेका छन् । तर, मनोरञ्जन जगतमा धेरै जोडी सम्बन्धविच्छेदपछि पनि एकअर्काको असल साथी बनेर बस्ने गरेको पाइएको छ भने धेरैलाई एकअर्काको अनुहार पनि हेर्न मन नपर्ने गरेको पाइन्छ । केही समयअघि डिभोर्सको सूचीमा सामन्था प्रभु र नागा चैतन्यको नाम थपिएको थियो ।
सामन्थासँग नागाको सम्बन्धविच्छेदको खबर लामो समयदेखि चर्चामा थियो र गत महिना दुवैले सम्बन्धविच्छेद गरेका थिए । नागा चैतन्यले २३ नोभेम्बरमा आफ्नो ३५औँ जन्मदिन मनाए। उनले सामाजिक सञ्जालमा फ्यान, सेलिब्रेटी र साथीभाइबाट बधाई पाए तर सामन्थाबाट जन्मदिनको शुभकामना भने पाएनन् । फ्यानहरूले यस विषयमा सामन्थालाई आलोचना गरेका छन्।
सम्बन्धविच्छेदपछि सामन्थाले अक्सर स्वतन्त्रता, स्वतन्त्र विचार जस्ता धेरै पोस्टहरू सेयर गरिसकेकी छिन्, जसलाई हेर्दा उनी यस सम्बन्धबाट स्वतन्त्र महसुस गरिरहेकी छिन्।
नागासँग छुट्टिएपछि सामन्थाको मन बदलिएको र अहिले उनले पूर्वपतिसँग सम्बन्ध राख्न नचाहेको देखाउँदै आएको प्रयोगकर्ताहरूले बताएका छन् । अर्कोतर्फ, सामन्थाका फ्यानहरू अहिले उनी आफ्नो जीवनको मजा लिइरहेको र आफूलाई कुनै किसिमको औपचारिकतामा बाँध्न नचाहेको बताउँछन् ।
उनको बचाउ गर्दै, फ्यानहरूले यो पनि भनेका छन् सामन्थाले नागालाई व्यक्तिगत रूपमा बधाई दिएका हुनाले सामाजिक सञ्जालमा बधाई दिइनन्।
यो खबर पढेर तपाईलाई कस्तो महसुस भयो ?
प्रतिक्रिया