नक्सलवादीको धरापमा ५ प्रहरी मारिए

छत्तीसगढ (भारत) : विद्रोही नक्सलिस्टले थापेको विस्फोटक धरापमा परि भारतीय प्रहरी बलका ५ जना मारिएका छन् । 

नक्सलवादीमाथि अाक्रमण गर्न गस्तीमा रहेको छत्तिसगढ सशस्त्र बल तथा जिल्ला प्रहरी बलको गस्ती टोलीलार्इ नक्सलिस्टहरूले एम्बुसमा पारेका हुन्  । भारतीय प्रहरीका अनुसार नक्सलवादीसँगको भिडन्तमा अार्इतबार मात्रै दन्तेवाडामा ५ प्रहरी मारिएका छन् ।

नक्सालवादी समूहको प्रभाव रहेको दन्तेवडाको चोलनार गाउँमा गराइएको विस्फोटबाट पाँच प्रहरीको निधन भएको, दुई घाइते भएको नक्सालवादी गतिविधि नियन्त्रण अभियानका प्रहरी नायब महानिरीक्षक सुन्दरराज पीले स्वीकार गरे । 

भारत सरकारले घटना भएको दन्तेवाडा क्षेत्रमा अहिले थप प्रहरी वल खटाइएको छ । प्रहरीले लुकिछिपी आक्रमण गर्ने समूहको खोजी जारी राखेको बताएको छ।