काठमाडौंमा सन्दीप लामिछानेलाई भव्य स्वागत

काठमाडौं, ८ जेठ – नेपाली क्रिकेटर सन्दीप लामिछानेले भारतमा आइपीएल खेल्दाको बसाई प्रभावकारी भएको बताएका छन् । मंगलवार काठमाडौं फर्केका सन्दीप विमानस्थलमा पत्रकारसँग कुरा गर्दै यस्तो बताएका हुन् ।

भारतमा भएको आइपीएल (इन्डियन प्रिमियर लिग) मा सहभागी भएपछि उनी नेपाल फर्केका हुन् । विमानस्थलमा सन्दीपलाई कप्तान पारस खड्काले स्वागत गरेका थिए । सन्दीपलाई स्वागत गर्नका लागि विमानस्थलमा बाक्लो भीड जम्मा भएको थियो । साथै फ्यानले हूटिङ समेत गरेका थिए ।

पत्रकारसँग बोल्दै सन्दीपले भारतमा खेलेको टिमले अझ धेरै अनुभव दिएको र सधै राम्रो खेल्ने प्रयास गरेको बताए । साथै उनले नेपालमा क्रिकेटको विकासका लागि पदाधिकारीले कदम चाल्नुपर्ने धारणा राखे ।

केही दिनपछि सन्दीप बेलायतको लर्डसमा आइसीसी विश्व ११ मा पनि खेल्नेछन् ।