‘अन्तिम’ फिल्मको बक्स अफिस कलेक्सन : तेस्रो दिन अत्याधिक कमाइ

काठमाडौं । बलिउड अभिनेता सलमान खान, आयुष शर्मा र महिमा मकवानाको फिल्म ‘अन्तिम द फाइनल ट्रुथ’ यतिबेला चर्चामा छ । चलचित्र नोभेम्बर २६ शुक्रबारबाट हलमा रिलिज भएको थियो जसको फ्यानहरु उत्सुकताका साथ पर्खिरहेका थिए ।

तर, शुक्रबार र शनिबार फिल्मले खासै कमाई गर्न नसक्दा फिल्मको कुल कलेक्सनमा असर परेको थियो । तर अहिले फिल्मको कमाइले गति लिएको छ । आइतबार अर्थात् तेस्रो दिन फिल्मले अत्याधिक कमाइ गरेको थियो । तेस्रो दिन फिल्मले करिब साढे सात करोडको व्यापार गरेको थियो।

‘बक्स अफिस इन्डिया डट कम’ का अनुसार सलमान खानको ‘फाइनलः द फाइनल ट्रुथ’ (अन्तिम) ले शुक्रबारको ४.५० करोड कमाएको थियो । त्यस्तै, दोस्रो दिन अर्थात् शनिबार फिल्मले ५.५० करोडको व्यापार गरेको छ ।

आइतबार फिल्मको कमाईमा ठूलो उछाल आएको छ । फिल्मले आइतबार अर्थात् तेस्रो दिन ७.५० देखि ७.७५ करोड कमाएको छ, जुन निकै राम्रो मानिएको छ । आइतबारको फिल्मको कमाई ४० प्रतिशतले बढेको छ । यो फिल्मको कुल कलेक्सन १८ करोड पुगेको छ ।

फ्यानमाझ वर्चस्व कायम राखेको सलमान खानको फिल्म देशभरका सिनेमाघरमा रिलिज भए पनि दुई सहरमा यो फिल्मले उत्कृष्ट प्रतिक्रिया पाइरहेको छ । सलमान खानको फिल्म ‘अन्तिम’ले मुम्बई र हैदरावादमा सबैभन्दा धेरै कमाइ गरेको छ ।

सामाजिक सञ्जालमा यस्ता धेरै भिडियोहरु पनि भाइरल भइरहेका छन्, जसमा सलमान खानका फ्यानहरु देख्न पाइन्छ । फिल्म ‘अन्तिम’लाई फ्यानसँगै समीक्षकले पनि राम्रो प्रतिक्रिया दिएका छन् । सलमान खानको अभिनयमा मानिसहरूले सिट्टी बजाए पनि आयुष शर्माको अभिनयको तारिफ गर्नबाट आफूलाई रोक्न सकेनन् । यसबाहेक महिमाको कामलाई पनि जनताले रुचाएका छन् ।

‘अन्तिम’ मा सिख अवतारमा देखिएका सलमान खान एक सिख प्रहरीको भूमिकामा देखिएका छन् जसले आफ्नो रिसलाई नियन्त्रणमा राखेर सबै कुरा राम्ररी ह्यान्डल गर्छ। त्यस्तै, आयुष र महिमा मकवाना पनि महत्वपूर्ण भूमिकामा छन् । यो फिल्म महेश मांजरेकरले निर्देशन गरेका हुन् ।