डिसेम्बरमा ओटीटीबाट रिलिज हुँदै छन् यी फिल्म र वेब सिरिज

काठमाडौं । डिसेम्बर महिना चलचित्र र शृङ्खला प्रेमीहरूका लागि निकै विशेष हुने भएको छ ।

यही महिना मनी हेस्टको ५ औं सिजनको दोस्रो भाग रिलिज हुँदैछ । यस वर्षको अन्त्यसम्ममा नेटफ्लिक्स, अमेजन प्राइम, डिज्नी प्लस हटस्टार, भोट सेलेक्ट र जी५ लगायत धेरै चलचित्र र वेब सिरिज रिलिज हुन लागेका छन्, जसको दर्शकले उत्सुकता पूर्वक प्रतीक्षा गरिरहेका छन्।

आउनुहोस् हामी तपाईंलाई ओटीटीमा रिलिज हुने र भएका चलचित्र र शृङ्खलाहरूको सूची बारे जानकारी दिनेछौं ।

दिल बेकरार (नोभेम्बर २६- डिज्नी प्लस हटस्टार)

हबिब फैजलद्वारा निर्देशित दिल बेकरारमा मुख्य भूमिकामा राज बब्बर, पद्मिनी कोल्हापुरे, पूनम ढिल्लन, अक्षय ओबेरोय र सहार बम्बा छन्। यो अनुजा चौहानको उपन्यास दोज प्राइसी ठाकुर गर्ल्सको वेब सिरिज हो।

छोरी ( नोभेम्बर २६- अमेजन प्राइम भिडियो)

हरर फिल्म छोरी अमेजन प्राइम भिडियो प्राइममा रिलिज हुँदैछ जसमा नुसरत भरुचा मुख्य भूमिकामा छन् । विशाल फुरियाले निर्देशन गरेको यो फिल्म मराठी फिल्म लपाछपीको आधिकारिक रूपान्तरण हो।

मनी हाइस्ट (डिसेम्बर ३-नेटफ्लिक्स)

एलेक्स पिना द्वारा निर्मित मनी हाइस्ट आफ्नो अन्तिम सिजनको साथ फेरि आएको छ। यो डिसेम्बर ३ मा नेटफ्लिक्समा रिलीज हुनेछ र उर्सुला कोरबेरो, अल्वारो मोर्टे, इत्ज़ियर इटुनो, पेड्रो अलोंसो, मिगुएल हेरान, जैमे लोरेंटे, एस्तेर एसेबो जस्ता स्टारहरू देखिने छन् । यस सिजनमा प्रोफेसरको ज्यान जोखिममा छ, यस्तो अवस्थामा यो लुटपाट कसरी सफल हुन्छ, त्यो हेर्न हरेक फ्यान पर्खिरहेका छन् ।

बब बिस्वास (डिसेम्बर ३ -जी५)

बब बिस्वास डिसेम्बर ३ मा जी५ मा प्रिमियर हुनेछ। सन् २०१२ मा सुजोय घोषको फिल्म कहानीमा बब विश्वास एक पात्रको नाम थियो। फिल्ममा बबको भूमिकामा अभिनेता शाश्वत चटर्जी देखिएका थिए । उनी त्यहाँ एक एलआईसी एजेन्ट थिए, जसले भाडामा हत्या गर्थे। उक्त फिल्ममा बबलाई सपोर्टिङ क्यारेक्टरको रुपमा देखिएपनि अहिले दिया अन्नपूर्णा घोष उनीसँगै फिल्म बनाउँदैछिन् । फिल्ममा अभिषेक बच्चन मुख्य भूमिकामा छन् ।

इनसाइड एज सिजन ३ (डिसेम्बर ३ -अमेजन प्राइम भिडियो)

डिसेम्बर ३, २०२१ मा प्राइम सदस्यहरूले इनसाइड एज सिजन ३ का सबै १० एपिसोडहरू विश्वभरका २४० भन्दा बढी देश र क्षेत्रहरूमा स्ट्रिम गर्न सकिने छ। क्रिकेट राजनीति, ग्लैमर, पैसाको बारेमा यो भन्दा राम्रो शो शायद न हुन सक्छ।

अरण्यक (डिसेम्बर १०- नेटफ्लिक्स )

बलिउड अभिनेत्री रविना टण्डनको पहिलो वेब सिरिज अरण्यक नेटफ्लिक्समा १० डिसेम्बरमा रिलिज हुँदैछ। ‘आरण्यक’को कथा डरलाग्दो जंगल र रहस्यमय सहरको बीचमा घुमेको छ । विनय वैकुलले निर्देशन गरेका हुन् ।

मिनल मुरली (डिसेम्बर २४ नेटफ्लिक्स)

टोविनो थामस अभिनीत मलयालम सुपरहिरो फिल्म मिन्नल मुरली डिसेम्बर २४ मा नेटफ्लिक्समा रिलिज हुँदैछ। यो फिल्म एउटा सानो सहरका एक दर्जीको बारेमा हो, जो बिहानै चट्याङ लागेर महाशक्तिसँग उठ्छन्।