काठमाडौं । रणवीर सिंहको बहुप्रतिक्षित फिल्म ‘८३’ को ट्रेलर सार्वजनिक भएको छ । ट्रेलरले रिलिज हुने बित्तिकै सामाजिक सञ्जाल र फ्यानबीच ट्रेलरको चर्चा चलेको छ ।
ट्वीटरमा पनि ‘ह्वाट ए रिलिज’ ट्रेन्डिङ हुन थालेको छ । ट्रेलरमा रणवीर सिंहको अभिनय र भारतीय क्रिकेट टोलीको जित देखेर फ्यानहरू उत्साहित छन् । ८३ को ट्रेलर हेरेर फ्यान मात्र होइन सेलिब्रेटीहरु पनि छक्क परेका छन् । चलचित्रको सम्पूर्ण टिमलाई बधाईको ओहिरो लागेको छ ।
कुन सेलिब्रेटीले के भने ?
कपिल देव :
८३ को ट्रेलर सेयर गर्दै कपिल देवले लेखेका छन्, ‘मेरो टोलीको कथा, फिल्म ८३ को ट्रेलर हिन्दीमा रिलिज भएको छ। फिल्म २४ डिसेम्बरबाट हिन्दी, तमिल, तेलुगु, कन्नड र मलायालम भाषामा सिनेमाघरमा रिलिज हुनेछ । फिल्म थ्रीडीमा पनि उपलब्ध हुनेछ।’
आर माधवन :
आर माधवनले पनि सामाजिक सञ्जालमा ट्रेलर सेयर गरेर प्रतिक्रिया दिएका छन् । यसलाई मास ब्लकबस्टरको रूपमा वर्णन गर्दै, उनले रणवीरलाई शानदार भनेका छन्।
करण जोहर :
बलिउडका निर्माता(निर्देशक करण जोहरले आफ्नो ट्विटर ह्यान्डलबाट ट्रेलर सेयर गर्दै फिल्मका कलाकार र सम्पूर्ण टोलीलाई बधाई दिएका छन्। यो ट्रेलर हेरेर मलाई अचम्म लाग्यो। यो धेरै भावनात्मक र उत्तेजक छ। उनले निर्देशक कबीर खानको तारिफ गर्दै अभिनेता रणवीर सिंहलाई भनेका छन्, ‘तिमी आफ्नो उत्कृष्ट अनुभवका कारण कपिल देव बनेका छौ । बधाई छ।
आलिया भट्ट :
आफ्नो इन्स्टाग्राम स्टोरीमा ट्रेलर सेयर गर्दै अभिनेत्री आलिया भट्टले लेखेकी छिन्, ‘यो देखेर मेरो मन छोयो । म पूरा फिल्म हेर्न पर्खिन सक्दिन।
यो खबर पढेर तपाईलाई कस्तो महसुस भयो ?
प्रतिक्रिया