काठमाडौं, ११ जेठ – चलचित्र ‘रोमियो एण्ड मुना’ ले रिलिज मितिसँगै नयाँ गीत सार्वजनिक गरेको छ । ‘पल पल’ बोलको गीतमा विनय श्रेष्ठ र सृष्टि श्रेष्ठलाई फिचरिङ गरिएको छ ।
साउन ११ गतेदेखि प्रदर्शनमा आउने भनिएको चलचित्र ‘रोमियो एण्ड मुना’ झण्डै दुई वर्षदेखि निर्माणको क्रममा छ । चलचित्रका केही दृश्यमा ग्राफिक्स गर्नुपर्ने भएकाले लामो समय लागेको निर्देशक नरेशकुमार केसीले बताए ।
निर्माता समेत रहेका प्रसन्न गोपालीले फिल्म ढिलो आएपनि राम्रो बनेको बताए ।
बिहीवार सार्वजनिक गरिएको गीत्लाई सुक्तिम गुरुङले स्वर दिएकी छिन्भने विश्व शाहीको शब्द तथा संगीत रहेको छ । गीतको भिडियोलाई नरेश कुमार केसी र राजीव समरले कोरियोग्राफी गरेका हुन् ।
त्यस्तै छायांकन शिवराज श्रेष्ठको रहेको छ ।
भी मोशन पिक्चर्स र केएस प्रोडक्सनको संयुक्त प्रस्तुतिमा निर्माण भएको फिल्ममा विनय र सृष्टिका अलावा सुष्मा कार्की, प्रज्जवल सुजल गिरी, सुरक्षा पन्त लगायतका कलाकारको अभिनय छ ।
निर्देशक नरेश कुमार केसीले पटकथा लेखेका हुन् भने निरोज महर्जजनले संवाद लेखेका हुन् ।
यो खबर पढेर तपाईलाई कस्तो महसुस भयो ?
प्रतिक्रिया