‘चीँ मुसी चीँ’ मा सुनिल र अलिशा (भिडियो)

काठमाडौं । साउन ११ प्रदर्शनमा आउने भनिएको चलचित्र ‘चीँ मुसी चीँ’ ले पहिलो गीत सार्वजनिक गरेको छ । सुनिल क्षेत्री र अलिशा शर्माको अभिनय रहेको गीतलाई काठमाडौंमा एक कार्यक्रमको आयोजना गरी सार्वजनिक गरियो ।

‘तिमीले माग्छौ भने…’ बोलको उक्त गीत म्युजिकल लभ स्टोरी लाग्छ । सुनिल र अलिशाका लागि यो फिल्म डेब्यु फिल्म पनि हो । गीतलाई सुनिलले नै कोरियोग्राफी गरेका हुन् ।

म्युजिकल थ्रीलर जानरामा निर्माण भएको भनिएको फिल्ममा कथा तथा निर्देशन दिनेश श्रेष्ठको रहेको छ । त्यस्तै फिल्ममा शिवराज कार्की, शेरख अधिकारी, सुशान्त कार्की? कमली वाइवा लगायतका कलाकारले अभिनय गरेका छन् ।

फिल्मलाई अरुणकुमार गुरुङ, महेश्वर खत्री, सुवास भुर्तेल, डबबहादुर गुरुङले निर्माण गरेका हुन् भने शिवराज कार्की कार्यकारी निर्माता रहेका छन् ।

चलचित्रलाई भुपेन्द्र अधिकारीले सम्पादन गरेका हुन् भने बासु न्यौपानेको छायांकन देख्न सकिन्छ ।