अब ‘मालिका’ को शुटिङ दश दिनमै सकिन्छः रेखा थापा

जाजरकाेट । पछिल्लो समय नायिकाबाट निर्मात्री बनेकी रेखा थापाले निर्माण तथा निर्देशन गर्न लागेको चलचित्र ‘मालिका’ को गीतको छायांकन यतिबेला जाजरकोटमा भइरहेको छ । त्यहाँको लोकल संस्कृति झल्किने गीतको भिडियोमा रेखा आफै पनि नाचेकी छिन् ।

बालबिबाहको कथामा निर्माण भइरहेको फिल्मको पूरै छायांकन दश दिनमा सकिने थापाले बताएकी छिन् । यतिबेला चलचित्रको एक गीतको धमाधम छायांकन भइरहेको छ ।

गीतको भिडियोलाई जाजरकोट दरबारमा छायांकन गरिएको हो । भिडियोमा रामजी लामिछानेको कोरियोग्राफी रहेको छ भने गीतमा सुरेश अधिकारीको संगीत रहेको छ । लोक लयमा आधारित उक्त गीतकाे भिडियाेमा एक सयभन्दा बढी कोरसलाई नचाइएको बताइएको छ ।

यो फिल्ममा जाजरकोटकी कमला ओली मुख्य भूमिकामा छिन् भने चलचित्र तिहारमा रिलिज गरिने तयारी रहेको छ ।