सुनको मूल्य बढ्यो : प्रतितोला कतिमा हुँदैछ कारोबार ?

काठमाडौं । सुनचाँदी बजारमा आज छापावाल सुनको मूल्य प्रतितोला ३ सय रुपैयाँले बढेर ९२ हजार ८ सय रुपैयाँ पुगेको छ ।

पहेँलो धातु अघिल्लो दिन प्रतितोला ९२ हजार ५ सय रुपैयाँ मा कारोबार भएको थियो । नेपाल सुनचाँदी व्यवसायी महासंघले सार्वजनिक गरेको विवरणानुसार तेजाबी सुनको आजको मूल्य प्रतितोला ९२ हजार ३ सय रुपैयाँ कायम भएको छ जसको मूल्य सोमबार प्रतितोला ९२ हजार रुपैयाँ तोकिएको थियो ।

त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला २० रुपैयाँले बढेर एक हजार २ सय १० रुपैयाँ तोकिएको महासंघले जनाएको छ । अन्तर्राष्ट्रिय बजारमा आज सुन प्रतिऔँस एक हजार ७ सय ८६ डलर आसपास कारोबार भइरहेको छ ।