सेयर बजार ४० मिनेटका लागि बन्द

काठमाडौं । लगातार ओरालो लागेको सेयर बजारमा आज (मंगलबार) उत्साह देखिएको छ । आज कारोबार खुलेको २ घण्टा नबित्दै पोजेटिभ सर्किट लागेको छ ।

सेयर बजारमा ५% को वृद्धि भएपछि कारोबार नै ४० मिनेटको लागि स्थगित गरिएको नेपाल स्टक एक्सचेन्ज (नेप्से)ले जनाएको छ ।

आज ११४.२५ अंकले बढेर २३९५.९२ बिन्दुमा पुगेको छ । आज १३ वटै समूहमा हरियाली छाएको छ ।

आज बजार १२ः३८ मिनेटमा ५ प्रतिशतले बढेको थियो। योसँगै कारोबार ४० मिनेटका लागि स्थगित गरिएको छ। अब कारोबार १ः१८ मा खुल्नेछ।