यो फिल्मका लागि प्रदीप खोज्दैछन् दुई हिरोइन

काठमाडौं । चलचित्र ‘लभ स्टेसन’ निर्माण हुने भन्ने हल्ला केही समयदेखि चलिरहेको थियो । यसको अनौपचारिक घोषणा पनि भएको थियो । आइतवार भने फिल्मको औपचारिक घोषणा गरिएको छ ।

काठमाडौंमा एक औपचारिक कार्यक्रमको आयोजना गर्दै फिल्मको घोषणा गरिएको हो । गोविन्द शाही, उज्जवल घिमिरे र क्रिशु शाहीले निर्माण गर्ने फिल्मको रिलिज मिति फागुन २४ गतेलाई अहिले नै तय गरिएको छ ।

फिल्मलाई यतिबेला सुवास सिंह बस्नेतले लेखिरहेका छन् । त्यस्तै भदौको अन्तिमबाट फ्लोरमा लैजाने जनाइएको छ । साथै यो फिल्ममा मुख्य अभिनेताका रुपमा प्रदीप खड्का रहनेछन् ।

नायिकाको भने खोजी भइरहेको जनाइएको छ । फिल्ममा तीन अभिनेत्री रहने कुरा थियो । तर अब भने फिल्ममा दुई अभिनेत्री रहने भएको छ ।

फिल्मलाई उज्जवल घिमिरेले निर्देशन गर्दैछन् । अभिनेत्रीको भने खोजी कार्य भएको बताइएको छ । त्यस्तै फिल्म पूर्णतः लभ स्टोरी कथामा निर्माण हुनेछ ।