ब्राजिलियन मिडफिल्डर फ्रेडलाई इग्लिस क्लव म्यानचेस्टर युनाईटेडले अनुबन्ध गर्ने भएको छ ।
फ्रेडलाई युक्रेनी क्लव साख्तर डोनेस्कबाट म्यान्चेस्टर युनाईटेडले ४७ मिलियन पाउण्डमा अनुबन्ध गर्न लागिएको हो । फ्रेडको प्रदर्शनमा साख्तर डोनेस्कले तीन युक्रेनि लिगको उपाधि जितिसकेको छ भने तीन युक्रेनि कप र चार सुपर कपको उपाधि उचालेको थियो ।
२५ वर्षिय फ्रेड हाल फिफा विश्वकपका लागि ब्राजिलियन टिममा परेका छन । म्यान्चेस्टर युनाईटेड र फ्रेड विच रकम सम्झौतामा फाइनल भएका कारण उनी वल्र्ड ट्राफोर्डमा अनुबन्ध हुने यो सिजनको पहिलो खेलाडी हुने भएका छन् । यस अधि फ्रेडले विश्वकप अघिको मैत्रीपुर्ण खेलमा क्रोशिया विरुद्ध गोल गरेका थिए ।
८२ औं मिनेटमा सब्सिच्युट खेलाडीका रुपमा मैदान प्रवेश गरेका उनले गोल गरेका हुन । फ्रेडकासाथै युनाईटेडले पोर्टोका १९ वर्षिय युवा डिफेन्डर डियोगो डालोटलाई पनि यो सातामा अनुबन्ध गर्ने बताइएको छ ।
डालोटलाई युनाईटेडले १७ दशमलव चार मिलियन पाउण्डमा अनुबन्ध गर्न लागेको हो ।
यो खबर पढेर तपाईलाई कस्तो महसुस भयो ?
प्रतिक्रिया