मुम्बई । दक्षिण भारतका सुपरस्टार रजनीकान्तको फिल्म ‘काला’ भारतका केही हलमा आजदेखि रिलिज भएको छ । तमिलमा रिलिज भएको फिल्म भोलिदेखि हिन्दीमा पनि रिलिज हुँदैछ ।
यो फिल्म हेर्न फिल्म घरमा रातिदेखि भीड जम्मा भएको भारतीय मिडियाले लेखेका छन् । यो फिल्मको पहिलो शो बिहान ४ बजे नै राखिएको थियो ।
सबै दर्शकले छिटोभन्दा छिटो फिल्म हेर्न चाहेका थिए । फ्यानले सिनेमाघरको बाहिर डान्स गर्दै बसिरहेका थिए ।
रजनीकान्तका पोस्टरलाई दूधले नुहाइदिनु त सामान्य कुरा जस्तै भइसकेको छ, तमिलनाडुमा फेरि पनि त्यही देखिएको छ । रजनीकान्तका ठूल्ठूला पोस्टरलाई सिनेमा घरमा सजाइएका छन् । फिल्म हलमा दिपावलीजस्तो रौनक छाएको छ ।
हिन्दी भाषामा यो फिल्म धेरै फिल्म हलमा भोलि देखि प्रदर्शन हुँदैछ । नेपालमा पनि फिल्म रिलिज हुँदैछ ।
यो खबर पढेर तपाईलाई कस्तो महसुस भयो ?
प्रतिक्रिया