सोमबार घट्यो सुनको मूल्य, कतिमा हुँदैछ कारोबार ?

काठमाडौं । सुनचाँदी बजारमा आज (सोमबार) सुनको मूल्य घटेको छ ।

आज छापावाल सुनको मूल्य प्रतितोला ३०० रुपैयाँले घटेर९३ हजार १०० रुपैयाँकायम भएको छ । छापवाला सुन अघिल्लो दिन प्रतितोला ९३ हजार ४०० रुपैयाँमा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार तेजाबी सुनको आजको मूल्य प्रतितोला ९२ हजार ६०० रुपैयाँ कायम भएको छ, जसको मूल्य आइतबार प्रतितोला ९२ हजार ९०० रुपैयाँ तोकिएको थियो ।

त्यस्तै आज चाँदीको मूल्य अघिल्लो कारोबार मूल्यको तुलनामा प्रतितोला पाँच रुपैयाँले घटेर एक हजार २६५ रुपैयाँमा आएको महासङ्घले जनाएको छ । चाँदी आइतबार प्रतितोला एक हजार २७० रुपैयाँमा कारोबार भएको थियो ।