प्रभु साह रौतहट–३ बाट चुनाव लड्ने

रौतहट, २५ असोज ।सहरी विकास मन्त्री तथा नेकपा माओवादी केन्द्रका कार्यालय सदस्य प्रभु साह रौतहट क्षेत्र नम्बर ३ बाट प्रतिनिधिसभा निर्वाचनमा उम्मेदवार बन्ने भएका छन ।नेकपा माओवादी केन्द्र रौतहटले प्रतिनिधि सभाको क्षेत्र नम्बर ३ को उम्मेदवारमा साहलाई सिफारिस गरेको हो । यस्तै रौतहटकै क्षेत्र नम्बर १ बाट सत्यनारायण भगत, २ बाट अशोक जयसवाल र ४ बाट देवेन्द्र पटेलको नाम सिफारिस गरिएको छ ।रौतहटमा प्रतिनिधि सभाको लागि ४ वटा निर्वाचन क्षेत्र रहेका छन् । आज बसेको माओवादी केन्द्रको जिल्ला कार्यालय बैठकले आफ्ना उम्मेदवारहरु पार्टी केन्द्रीय समितिमा सिफारिस गरेको हो ।त्यसैगरी प्रतिनिधिसभा समानुपातिक तर्फ राजकिशोर यादव, बहिद अन्सारी, हरी पौडेल र बीर बहादुर गोलेलाई सिफारिस गरेको माओवादी केन्द्र रौतहटका नेता युवराज भट्टराई ‘समिर’ले बताए ।माओवादी केन्द्रले हालै भएको बाम गठबन्धनलाई समेत लक्षित गरी आफ्ना उम्मेदवार उठाएको छ । प्रदेश सभाको लागि प्रत्येक निर्वाचन क्षेत्रमध्य एकमा आफ्ना उम्मेदवार सिफारिस गरेको छ भने अर्कोमा एमालेलाई छुट्याएको छ ।