सलमान र शाहरुख ‘जिरो’ को टिजरमा (भिडियो)

मुम्बई । लामो समयको प्रतीक्षापछि शाहरुख खानको फिल्म ‘जिरो’ को दोस्रो टिजर सार्वजनिक गरिएको छ । यो टिजरमा सलमान खान र शाहरुख खानका बीचको केमेष्ट्रीलाई देखाइएको छ ।

झण्डै १ मिनेट २१ सेकेन्ड लामो टिजरमा सलमान र शाहरुख नाचिरहेको अवस्थामा देखिन्छन् । टिजरमा सानो देखिने शाहरुख सलमानको काखमा जान्छन् ।

यो फिल्ममा शाहरुख खान निकै सानो देखिन्छन् । उनको हाइटलाई सीजीआईका माध्यमबाट उनीभन्दा सानो देखाइएको छ ।

यो फिल्मलाई लिएर चर्चा बढ्दै गएको छ । टिजरमा क्याटरिनालाई खासै नोटिस गरिएको छैन । यो फिल्ममा क्याटरिनाले पनि महत्त्वपूर्ण भूमिका निभाएकी छिन् ।

फिल्म २१ डिसेम्बर २०१८ मा रिलिज हुँदैछ ।