दुई दिनमा सलमान खानको ‘रेस ३’ ले कति कमायो?

मुम्बई । भलै सलमान खानको फिल्मलाई दर्शकले गाली गरिरहेका छन्, तर पनि यो फिल्मले कमाइ भने राम्रो गरेको छ । समीक्षा र गालीको असर कमाइमा भने खासै देखिएको छैन ।

थ्रीडीमा समेत रिलिज भएको यो फिल्मले दुई दिनमा ६४ करोड रुपैयाँको व्यापार गरेको भारतीय मिडियाले लेखेका छन् ।

दोस्रो दिन मात्रै फिल्मले ३६ करोडको व्यापार गरेको छ । बक्स अफिस इन्डिया डटकमका अनुसार युपी र गुजरातका थिएटर घरमा यो फिल्मले पहिलो दिनभन्दा दोस्रो दिन अझ राम्रो व्यापार गरेको छ । फिल्मले बक्स अफिसमा भने राम्रो कमाएको भनिएको छ । यद्यपि यो फिल्मलाई धेरै दर्शकले रेमो डिसुजाको सबैभन्दा झुर फिल्मका रुपमा हेरेका छन् ।

यो फिल्ममा सलमान खानका अलावा अनिल कपूर, बबी देओल, ज्याकलिन फर्नाडिस, डेजी शाह, साकिब सलीम लगायतका कलाकारले मुख्य भूमिका निभाएका छन् ।

रेसका अघिल्ला सिरिजलाई अब्बास मस्तानले निर्देशन गरेका थिए ।