कोलारोभको निर्णायक एक गोलले सर्विया विजयी

काठमाडौं। फिफा विश्वकप फुटबल अन्तर्गत समूह ‘इ’ मा रहेको सर्वियाले संघर्षपूर्ण जित निकालेको छ । 

सामरा एरिनामा भएको खेलमा सर्वियाले कोस्टारिकालाई शुन्यका विरुद्ध एक गोल अन्तरले पराजित गदै प्रतियोगितामा विजयी सुरुवात गरेको हो । निकै प्रतिस्पर्धात्मक बनेको खेलको पहिलो हाफसम्म दुवै टिम गोलरहित बराबरीमा रोकिएको थियो ।

दोस्रो हाफमा सुधारिएको खेल खेलको सर्वियाका लागी कप्तान अलेक्जान्द्रर कोलारोभले गरेको एक मात्र गोल नै निर्णायक बनेको थियो । उनले खेलको ५६ औ मिनेटमा फ्रिकिक मार्फत गरेका थिए । निर्धारित समयसम्म कोस्टारिकाले पनि केही गोल गर्ने मौका पाएपनि सदुपयोग गर्न नसक्दा खेल एक—शुन्यले हार्यो ।

जितपछि सर्वियाले ३ अंक जोडेको छ ।