मुम्बई । ‘रेस ३’ का सिुकन्दर उर्फ सलमान खानको फिल्मले बलिउडमा धमाका मच्चाउने गर्छ । उनका फ्लप भनिएका फिल्मले पनि व्यावसायिक रुपमा सफलता पाउँछन् । यतिबेला ‘रेस ३’ बाट भने उनलाई दर्शकले गालीमाथि गाली बर्साएका छन् ।
ट्रेलर रिलिज भएपछि सामाजिक सञ्जालमा एकसे एक छाएका सलमान खानलाई यतिबेला भने दर्शकले मजाक बनाएका छन् ।
सलमान खान र उनको ठूलो टिमको फिल्म हेरेर बाहिर निस्केका दर्शकले पनि फिल्मलाई लिएर मजाक बनाए । दर्शकको एक समूहले त के पनि भन्यो भने, सलमान खान र निर्देशक रेमो डिसुजालाई जेल हाल्नुपर्छ ।
अझ यो फिल्मलाई लिएर सलमान खानमाथि केश चल्नुपर्ने धारणा पनि दर्शकले दिएका छन् ।
दर्शकले बबी देओल, अनिल कपूर र ज्याकलिन फर्नाडिजको भने खुलेर तारिफ गरे भने सैफ अली खानलाई मिस गरे ।
फिल्म हेरेर बाहिरिएका एक दर्शकले भने, ‘यस्तो लागिरहेको थियो कि, पूरै कलाकार डुब्लिकेट हुन्, अलिकति पनि मजा आएन, अब सलमान खान बूढा भइसके ।’ त्यस्तै अर्का दर्शकले भन्दै थिए, ‘यो फिल्म सलमान खानको सबैभन्दा फ्लप र बकबास फिल्म हो, यी कलाकारले रेसको फ्रेन्चाइज नै डुबाए, रेस ४ बन्यो भने सलमान खानलाई लिनु हुँदैन, सलमान र रेमोले यस्तो फिल्म बनाएकोमा जेल हाल्नुपर्छ ।’
केही दर्शकले भने फिल्मलाई रुचाएका पनि छन् । एक दर्शकले भने, ‘हामीले फिल्म हेरेर रमायौं, सलमान खानको फिल्मका लागि गुडलक ।’, एक अर्का फ्यानले भने, ‘म सलमान खानको ठूलो फुयान हुँ, तर यसपटक सलमानले एकदमै निराश बनाए, रातभरी जागेर ब्ल्याकमा पहिलो शो को टिकट काटेको थिएँ, टिकट काटेकोमा दुःख लागिरहेको छ ।’
भलै नकारात्मक प्रतिक्रियाको बाढी आएपनि फिल्मले व्यापार भने राम्रो गरेको छ । यो फिल्मले बबी देओललाई मात्र फाइदा हुने देखिन्छ । तर, फिल्मका अन्य कलाकारलाई भने यो फिल्मले खासै खुशी नबनाउने देखिन्छ ।
यो खबर पढेर तपाईलाई कस्तो महसुस भयो ?
प्रतिक्रिया