वरिपरि डुङ्गडुङ्ग गन्हाउने फोहोरकोे रास, अहिले भत्केलाजस्तो देखिने रङ्ग उडेको जीर्ण भवन ।
मान्छेलाई घाँसजस्तै पन्छाउँदै भित्र जानुपर्ने अवस्था, भुईँभरि तितरबितर भएका ओढ्ने ओछ्याउने र लावालस्करै भएर लमतन्न सुतेका मान्छे ।
होहल्ला झन् माछा बजार जत्तिकै !
पिसाब लागेर ट्वाइलेट जाँदा त्यहाँको फोहोर र गन्धले वान्ता नै आउला झैँ हुने ।
यो दृश्य हाम्रो देशको सबैभन्दा जेठ्ठो अस्पताल ‘बीर अस्पताल’को हो । वा भनौँ थियो ।
केही समय अघि धुर्मुस सुन्तली फाउन्डेसनको नेतृत्वमा भएको सरसफाई कार्यक्रमले वीर अस्पतालको स्वरुप नै परिवर्तन गरेको छ ।
हेर्दै नाक खुम्चाउन मन लाग्ने अस्पताल अहिले सफा र रङ्गीन देखिन्छ । तिहारै आएजस्तो देखिन्छ यहाँको माहोल ।
सरसफाईका क्रममा अस्पताल रङ्गाउनेदेखि ट्वाइलेट सफा गर्नेसम्मका कामहरु भएका छन् ।
लोकपथको लेन्सबाट यस्तो देखियो परिवर्तित वीर असपताल, हेर्नुहोस् फोटोफिचर :
यो खबर पढेर तपाईलाई कस्तो महसुस भयो ?
प्रतिक्रिया