आन्ध्र प्रदेशको यो गाउँमा छायांकन गरिएको थियो फिल्म पुष्पा, हेर्नुहोस् जंगलका सुन्दर दृश्यहरू

काठमाडौं । सुपरहिट बलिउड चलचित्र ‘पुष्पा द राइज’ले दर्शकको निकै माया पाएको छ । एक्सन र गीतसँगै यो चलचित्रलाई दर्शकले निकै रुचाएका छन् ।

योसँगै यो फिल्मका सुन्दर दृश्यले सबैको ध्यान खिचेको छ । यसको सुटिङ दक्षिण भारतका धेरै ठाउँमा भएको छ भने मुख्य सुटिङ आन्ध्र प्रदेशको वन गाउँमा गरिएको छ । मरेदुमल्ली नामको यो गाउँबाट जंगलको सुन्दर दृश्य देखिन्छ।

यस गाउँबाट करिब १५ किलोमिटर टाढा एउटा अत्यन्तै सुन्दर झरना छ । जुन मनसुनमा निकै सुन्दर देखिन्छ । यो झरना मौसमी हो। मनसुनमा निकै सुन्दर देखिने यो झरनाको नाम अमृतधारा हो । यससँगै त्यहाँका स्थानीय बासिन्दाले यो झरना हेर्न आउने पर्यटकको सुविधाको ख्याल राख्छन् ।

राजमुन्द्री मरेदुमल्ली बस स्टेशनबाट १३ किलोमिटर टाढा अवस्थित छ। यहाँको सुन्दर दृश्यका कारण यो ठाउँ निकै प्रसिद्ध छ । यहाँबाट देखिने मरेदुमल्ली उपत्यकाको सुन्दर दृश्य यहाँ पर्यटक आउनुको कारण हो ।

प्रकृति प्रेमी पर्यटकका लागि मरेदुमल्लीको जंगल स्वर्गभन्दा कम छैन । यहाँको जंगलमा करिब २४० प्रजातिका पंक्षी पाइन्छ । यससँगै यहाँ बनेको बाँध पनि पर्यटकको आकर्षणको केन्द्र बनेको छ ।