एसईई परीक्षा वैशाख ९ गतेदेखि हुने

काठमाडौं । एसईई परीक्षा वैशाख ९ गतेदेखि हुने भएको छ । बुधबार बसेको राष्ट्रिय परीक्षा बोर्डको बैठकले गरेको निर्णयानुसार एसईईको परीक्षा वैशाख ९ गतेदेखि २० गतेसम्म सञ्चालन गरिने भएको हो ।

राष्ट्रिय परीक्षा बोर्डका अनुसार परीक्षाको समयतालिका भने बिहीबारको गोरखापत्र र बोर्डको वेबसाइटमा सार्वजनिक गरिनेछ । स्थानीय चुनावको मितिसँग एसईईको तालिका नजुधोस् भनेर निर्वाचनको मिति तोकिएपछि मात्रै एसईईको समयतालिका निर्धारण गरिएको बोर्डले जानकारी दिएको छ ।